सिर्जनशील साहित्यिक समाज सिसासको १५ औँ वार्षिकउत्सव कार्यक्रम सम्पन्न भएको छ ७८ औँ सहिद दिवस तथा १५ औँ वार्षिकउत्सवका अवसरमा आयोजीत कार्यक्रममा सिसासले आफ्नो वार्षिक उत्सव कार्यक्रममा चार जना स्रष्टाहरुलाई सम्मान तथा पुरस्कृत समेत गरेको छ ।

 

सिर्जनशील श्री फाइनान्स साहित्यिक पुरस्कारबाट प्राज्ञ बूँद राना, सिर्जनशील गंगा साहित्यिक पुरस्कारबाट दुर्गा पौड्याल, सिर्जनशील छविलाल साहित्यिक पुरस्कारबाट देवेन्द्रराज शाक्य र सिर्जनशील स्रष्टा सम्मानबाट सुवास रिजाल सम्मानित भएको सिर्जनशील साहित्यिक समाज सिसासका अध्यक्ष शशि पन्थीले जानकारी दिए । 

 

सम्मानित हुने स्रष्टा प्राज्ञ बूँद रानाको बारेमा स्रष्टा विजय सागर, दुर्गा पौडेलको बारेमा स्रष्टा लता प्रधान, देवेन्द्रराज शाक्यको बारेमा स्रष्टा नारायण प्रसाद भण्डारी र सुवास रिजालको बारेमा स्रष्टा विष्णु प्रसाद गजुरेल बोलेका थिए ।

 

कार्यक्रम दर्जनौँ स्रष्टाहरुले कविता, गीत, गजल, हाइकु प्रस्तुत गरेका थिए । 

 

समाजका अध्यक्ष शशि पन्थीको अध्यक्षता, प्राज्ञसभा सदस्य प्राध्यापक डाक्टर कपिलदेव लामिछानेको प्रमुख आथित्यतामा सम्पन्न कार्यक्रम सहसचिव राजेश चौधरीको स्वागत मन्तव्य र सचिव कमल पोख्रेलको सञ्चालनमा सम्पन्न भएको थियो ।