गौतमबुद्ध सामुदायिक मुटु अस्पतालले पाल्पामै डायलाईसिस सेवा संचालन गर्ने


                    पाल्पा जिल्लाबाट नियमित मृगौलाको डायलाईसिस गर्दै आएका विरामीहरुलाई लक्षित गरी गौतमबुद्ध सामुदायिक मुटु अस्पतालले पाल्पामै डायलाईसिस सेवा संचालन गर्ने भएको छ । हाल बन्द अवस्थामा रहेको तानसेन नगरपालिका वडा नं. ६ स्थीत श्री प्राथमिक बिद्यालय लहरेपिपलको भवनमा डायलाईसिस सेवा संचालन गरिने अस्पतलाले जनाएको छ । 
तानसेनमा डायलाईसिस सेवा संचालन भएपछि पाल्पा संगै छिमेकी जिल्लाहरु अर्घाखांची, गुल्मी, स्याङजा र बागलुङ्गबाट समेत नियमित रुपमा मृगौला डायलाईसिस गराउन बुटवल आउनुपर्ने विरामीहरुलाई राहत मिल्ने छ । डायलाईसिस सेवाको अभावमा हाल सो क्षेत्रका मृगौला बिरामीहरु बुटवल, भैरहवा, चितवन तथा काठमाण्डौमा पुगेर सेवा लिन बाध्य छन् ।
हाल पाल्पा जिल्लाबाट गौतमबुद्ध सामुदायिक मुटु अस्पतालमा मात्र नियमित ४८ जना मृगौलाका विरामीहरु डायलाईसिस सेवा लिन आउने गरेका छन् । त्यो संगै पाल्पाको लागि पायक पर्ने गुल्मी, अर्घाखांची, स्याङजाको र बागलुङ्गबाट ६२ जना विरामी नियमित डायलाईसिसको लागि आउने गरेको अस्पतालले जनाएको छ ।
                मृगौलाको डायलाईसिसको लागि हप्तामा २ देखि ३ पटक सम्म बाहिर जानुपर्ने बिरामीहरुको सोहि बाध्यतालाई मध्यनजर गरी गौतमबुद्ध सामुदायिक मुटु अस्पतालले सेवा संचालनको लागि जिल्ला समन्वय समिती, जिल्ला प्रशासन कार्यालय र तानसेन नगरपालिका संग स्थान उपलब्ध गराउन आग्रह गरेको थियो ।
अस्पतालको आग्रह अनुरुप जिल्ला समन्वय समिती पाल्पाको पहलमा प्रदेशसभा सदस्य, जिल्ला प्रशासन कार्यालय, तानसेन नगरपालिका, राजनैतिक दलका प्रतिनिधी, विभिन्न संघ संस्था र सरोकारवालाहरु सहितको सर्वदलिय, सर्र्वपक्षिय भेलाले बन्द अवस्थामा रहेको विद्यालयको उक्त भवन डायलाईसिस सेन्टरको लागि उपलब्ध गराउने निर्णय गरेको हो । 
                      रोटरी ईन्टरनेशनलको सहयोगमा १० वटा मेसिन जडान गरी मंसिर महिनासम्म डायलाईसिस सेवा संचालन गरिने अस्पतालका अध्यक्ष एजाज आलमले जानकारी दिए । गौतमबुद्ध सामुदायिक मुटु अस्पताल मृगौलाको डायलाईसिसको लागि स्वास्थ्य मन्त्रालयमा सूचिकृत भई बिरामीहरुलाई निःशुल्क सेवा दिंदै आएको छ । डायलाईसिस संगै मृगौलाका विरामीले गर्नुपर्ने नियमित रगत परिक्षण समेत अस्पतालले निशुल्क गर्दै आएको छ ।

 

प्रतिकृया दिनुहोस

नेपाली काँग्रेसको खवरदारी सभा ‘स्थायी राजधानी बुटवल नतोके सरकारलाई अभिसाफ’

  बुटवल, ३ माघ । प्रदेश पाँचको स्थायी राजधानी बुटवलमा तोक्न नेपाली काँग्रेसका ६ जिल्लाका नेताहरुले जोड दिएका छन् । नेपाली काँग्रेस रुपन्देहीले

थारु वगिया रुपन्देहीले माघी महोत्सवको आयोजना गर्ने

किस्मत चौधरी  माघ ३  थारु वगिया रुपन्देहीले यही माघ ५ गते तिलोतमा नगरपालीका मणिग्रामको शान्ती नमुना उच्च मावीमा माघी महोत्सवको आयोजना गर्ने भएको

बुटवल बहुमुखी क्याम्पसका उपप्राध्यापक नारायणप्रसाद पन्थलाई विद्यावारिधिको उपाधि

बुटवल । बुटवल बहुमुखी क्याम्पसका उपप्राध्यापक तथा अभ्यास शिक्षण विभागका प्रमुख नारायणप्रसाद पन्थले विद्या वारिधि उपाधि प्राप्त गर्नु भएको छ