• रेडियो मुक्ति
• २०८३ श्रावण १८ सोमबार

बुटवल,१८ साउन  

नेपाल राष्ट्रिय बीमा अभिकर्ता संघ (छाता संगठन) सानिमा रिलायन्स लाइफ इन्स्योरेन्स लिमिटेडको  प्रथम प्रादेशिक भेला बुटवलमा एक भव्य कार्यक्रमका बीच सम्पन्न गरेको छ ।
सानिमा रिलायन्स लाइफ इन्स्योरेन्स लिमिटेडका केन्द्रीय उपाध्यक्ष खडक बहादुर क्षेत्रीको अध्यक्षतामा भएको कार्यक्रममा नेपाल राष्ट्रिय बीमा अभिकर्ता संघका केन्द्रीय अध्यक्ष राजेन्द्र अमात्यको प्रमुख आतिथ्यता रहेको थियो ।

कार्यक्रममा बोल्दै अमात्यले  बीमा अभिकर्ताहरुको सबैभन्दा ठूलो संगठन नेपाल राष्ट्रिय बीमा अभिकर्ता संघ भएको बताउँदै यसको गरिमालाई जोगाई राख्न बिमितको विश्वास जितेर काम गर्नुपर्ने बताउनुभयो । उहाँले जुनसुकै संस्थाको विकास र हितका लागि संगठनको आवश्यकता हुने भएकाले लुम्बिनी प्रदेशमा भएको प्रथम भेलाबाट सक्षम नेतृत्व निर्माण हुने बताउनुभयो ।

कार्यक्रममा सानिमा रिलायन्स लाइफ  इन्स्योरेन्सका केन्द्रीय वरिष्ठ उपाध्यक्ष  श्याम गुरुङ, केन्द्रीय उपाध्यक्षद्वय ऋषिराम भुसाल, रामजी पोखरेल, केन्द्रीय सहसचिव चन्द्र बहादुर नेपालीलगायतले शुभकामना मन्तव्य राख्दै  बीमा पेशालाई मर्यादित र क्रियाशील बनाई संगठितरुपमा अगाडि बढ्नुपर्ने बताउनुभयो ।  नेपाल राष्ट्रिय बीमा अभिकर्ता संघमा १४ वटा जीवन बीमा र १४ वटा अरु निर्जीवन बीमा कम्पनीहरु आवद्ध रहेका छन् ।

कार्यक्रममा लुम्बिनी प्रदेशका १२ जिल्लाका करिब ७० जना अभिकर्ताहरुको सहभागिता रहेको थियो । सारदा खनालको स्वागत मन्तव्यमा भएको कार्यक्रमको सञ्चालन सानिमा रिलायन्स लाइफ इन्स्योरेन्स लिमिटेडका केन्द्रीय सहसचिव सुभाष रिजालले गर्नुभएको थियो ।  

प्रथम प्रादेशिक भेलाले मान बहादुर कुँवरको अध्यक्षतामा  १३ सदस्यीय नयाँ समिति सर्वसम्मतरुपमा चयन गरेको छ । जसको उपाध्यक्षमा केशर प्रसाद  पोखरेल (नवलपरासी), प्रेम नारायण गैरे (कपिलवस्तु), पूर्ण बहादुर गमाल मगर (प्यूठान), सचिवमा शारदा खनाल (बुटवल), सहसचिवमा चेत बहादुर  सारु (पाल्पा), कोषाध्यक्षमा सञ्जु बस्याल (भैरहवा) चयन हुनुभएको छ । त्यस्तैगरी कार्यसमिति सदस्यहरुमा झलक कुमार चन्द ( नेपालगञ्ज), देवेन्द्र चौधरी (दाङ), अमर बहादुर भाट क्षेत्री (अर्घाखाँची), विष्णु प्रसाद खनाल (बुटवल), माया पौडेल (कपिलवस्तु) र राजेश कुमार बानियाँ (भैरहवा) चयन हुनुभएको हो ।

नवनिर्वाचित समितिको टिमलाई निर्वाचन समितिका संयोजक ऋषिराम भुसालले सपथग्रहण गराउनुभएको थियो । सो निर्वाचन समितिको सदस्यहरुमा खडक बहादुर क्षेत्री र रामजी पोखरेल रहनुभएको छ ।